Niacinamide

Kung gusto nyong malaman kung anong benefits ang makukuha sa Niacinamide, well, hindi nyo ito mababasa dito. Huwag kang masyadong umasa sa blog na ito. Ang mababasa nyo dito ay kung gaano ako na-addict i-try ang Niacinamide. In 2 months, naka-tatlo ako.

Kung i-go-Google ang “niacinamide” nasa top search ang The Ordinary Niacinamide 10% + Zinc 1%. Halos lahat ng vlogger at blogger ay nagsabing it works wonder daw talaga, kaya nung gusto ko i-try ang niacinamide eto ang nasa top list ko. Kaya naman gusto ko itong gustuhin pero waleyyy. Nakaka-disappoint! Very thick ang consistency, para kang nagpapahid ng glue sa mukha. Tapos pwede nang lagyan ng papel ang mukha para maging paper mache. Hindi ko talaga bet.

Kaya naghanap ako ng iba pang Niacinamide. And Oh Em Geee, ang dami sa Shopee! Tapos ayun napa-add to cart na ako then payment na agad para nasa huli na ang pagsisisi. Okay din ang Dermorepubliq 10% Niacinamide + HA Face Serum, thick din ang consistency pero hindi katulad ng TO. Ang ayaw ko lang ay yung amoy. Amoy glue. Palitan ko kaya ang title ng post ko na ito ng “glue” para mas fit sa topic.

Anyway, last is Skin Glow 10% Niacinamide + 1% Zinc Serum. Eto ang pinakamura pero at ang pinakagusto ko. Watery consistency kaya hindi na kailangan mag-intay nang matagal para ma-absorb ng skin. Another example na hindi lahat ng mura ay low quality. Okay na okay to. Pero ang shipping? Galing pa kasi ito sa Davao at ang dami nyang napagdaanan papunta sa akin.

May alam pa kayong Niacinamide brand na pwede ko i-try? Let me know!

D’Mug

March 21, 2021 – Birthday ko. Second quarantine birthday, actually. Masaya din mag-quarantine birthday kasi hindi required manlibre at magpainom. Laking tipid din. Pero where’s the fun in that di ba? Kaya on my birthday I wanted to do something really fun, cool, and unique! Kaya gumawa ako ng mug.

Nag-enroll ako sa Tahanan Pottery ng kanilang Mug Making session, na gustong tawagin ni Harvey na pot session kahit mug ang ginawa namin at hindi pot. Mas cool daw kasi pakinggan ang pot session. Anyway, nag-enjoy ako gumawa ng mug!

Nung matapos namin gumawa ng mug, hindi namin agad nakuha kasi kailangan pang i-glaze at i-fire (whatever that means). Nagkaroon pa ng 2nd ECQ sa NCR++ Bubble kaya natagalan pa ang pag-pickup sa final product. So eto na ngaaa!

Nung hindi ko pa nakikita ang itsura ng final mug ko, sabi ko ipagpapatuloy ko ang pottery, kasi madali lang naman. Hindi kailangan perfect. Buti na lang hindi ko pinilit kasi wala pala akong talent gumawa ng mug HAHA! Buti na itong gumawa ako minsan, pero hindi ko na uulitin.

Next birthday try ko naman ang leather crafting. Baka may talent ako gumawa ng bag.

Motherhood Comes in Many Forms

Kahapon, Mother’s Day, natuwa ako dahil may bumati sa akin ng happy fur moms day! Hindi ko kasi iniisip na “anak” si Muning. Pet namin sya na pinapakain, nililinis ang cat litter, nilalaro, at pinapaliguan (minsan). Pero kung iisipin nga, para nga kaming nag-aalaga ng bata pero hindi papaaralin hanggang college.

Two years ago nung inadopt namin si Muning. Sabi nung nagbigay, indoor cat at litter trained na si Muning kaya madali nang maka-adjust sa condo life. Sure madali syang naka-adjust sa condo life, pero kami yata ni Harvey ang mas nahirapan mag-adjust sa pusa.

Nung mga unang linggo sa amin ni Muning, napakalikot nyan! Ilang baso at isang napakagandang scented candle na nasa magandang baso ang ilan sa nabasag nya. Nakasira din pala sya ng original iPhone earphone ugh. Ang sarap nga ibalik na lang sa may-ari pero wala na eh. Touch move na ang pag-ampon kay Muning.

Ngayong medyo adult na si Muning, nabawasan na ang likot nya, more on tulog na sya sa level na nakakainggit na. Hindi malambing na pusa si Muning, kapag wala sya sa mood, sinisimangutan nya kami na parang sya ang nagpapalaki sa amin, the fuck. Kung gusto nyang magpahimas lalapit sya sa amin, kapag ayaw nya balakajan.

Pero kahit ganyan pa si Muning napamahal na sya sa amin. Siguro ganun ang pakiramdam ng magulang. Tatanggapin ang anak maging sino o ano man sya.